يا مساء الخير بغداد انت امي
شلونهم اهلج ييمه شلون ناسج
والله مشتاكين يحبيبة لكعدتج
انسينة لو بعدنة نزور بالج
ارد اسالج نهر دجلة شلونه يمه
بعدة مية يلاعب بروجة ضفافج
والغريب اللحم جتفة من نعمتج
بالله بعدة يمر عليج ويدك بابج
ويوم مر العيد بدلتي الثياب
لو بعدهة بلونهة الاسود ثيابج
انت يا وردة سلام ونبع طيبة
ويا جميلة الي تضاهيج بجمالج
اخسر عيوني وعساهن هسة يعمن
بس احط راسي واشم ريحة اترابج
والله يا دار السلام الصبر عية
ويبجي حتى ايوب لو مر بديارج
رخصو دمعج عزيزة ويوم طحتي
كلهة ضحكت بالجذب محد بجالج
باعو الطيب ونسو ذيج الليالي
كلهة لامت بيج تصرخ وش علامج
افتحي الابواب مو جاج المحرر
بوش عز العرب يمحيلج ضلامج
اتركي عصر الرشيد وكلبي صفحه
صفحة ايهود الارض اضحو اسيادج
قدسة النعمان والكاضم عليمن
رايس وشارون اطهر اوليائج
صاغو الحريه في افضل قيمهة
بحضن هولاكو العصر نامت بناتج
والصليب على الجوامع بان رسمه
وبالمدارس نقرا التوراة عذرا مو كتابج
كلهة تركص عالجرح يمه وتغني
وضاعت بمحراب اليهودي صلاتج
لعبت السجين كلمن باك وصلة
يا ضحيت العيد والكصاب جارج
والله حتى الطير بطل ما يغني
وبجة حتى الصخر ضيم الي جرالج
هذا سني وذاك شيعي وعالهوية
انذبحو بحضنج لويش اجمل شبابج
