[/b]
بعد ماي الفرات الضيفنه نبدي
واشبوط الازرك مانكر شصه
وكل اسباب جوعي دون استثناء
كلهة اتروح فدوه لورقة الحصة
كبل خطار اجاني وصادفت عوز
على خدودي شمع ذابت الكصه
ولان تنوري طين وغيرته من الكاع
خلص عدنة العجين استنسخ الكرصه
هسه اشبينة ليش وشختلف بالناس
اذا يلتفت ضيفك ينوكل نصه
اهلنه البيت واحد شو صفو ضدين
مله اتلوم مله وبالكلب غصه
اركض طاح اخوك بضهرة حط سجين
لا غيرك يذبحة اتفوتك الفرصه
طم هور الجبايش وانفي كردستان
وبكلب الرمادي خنجرك رصه
ولك مو عيب واحنه الي نشيل الراس
شلون اجفوفنه اتكض راسنه تكصة
اختلفنه احنا بعلي وبعمر وبعثمان
لو يدري محمد بينا ما وصه
المحتل اطلعه حط اديك اوياي
يا محتل طلع بالهوسه والخبصه
فدوه ارجوك تهدة والعن الشيطان
عسه من غيراك ابخته وبحضه
انه شردت منك غير ننسه الراح
وطرفك عالزعل بيناتنه اتغضه
انفطمنه على البنادق وانت تعرف زين
الشعيره بلا نفع لو زعلت الفرضه
انه وياك سيف ونذبح الجلاد
واذا تعجز ادينه بلوزته انعضه
العباس جدنه الماحتاج جفوف
ضل حد السنون الازم القبضه
جا شنهي عليمن ليش مختلفين
انا شنهو القبلته وانت الترفضه
يجوز الما اكضه الخلل بالجفين
اليعبر عليه اجفوفك اتكضه
انا غركان يمك ها يخو عثمان
البجسر الائمه ما صفن لحضه
شاف الايد وحده وناس ضكهة الماي
وعلى كد الجفوف الصاحته اتشضه
انا دجلة الخير المانست عطشان
واخوي انت الفرات وترضه ما ترضه
اختلفنه باولياء الله وضعنه
واحنا الساس للدنيا وضعنه
وربك ما نغير من وضعنه
شرط الا تحط ايدك باديه
بعد ماي الفرات الضيفنه نبدي
واشبوط الازرك مانكر شصه
وكل اسباب جوعي دون استثناء
كلهة اتروح فدوه لورقة الحصة
كبل خطار اجاني وصادفت عوز
على خدودي شمع ذابت الكصه
ولان تنوري طين وغيرته من الكاع
خلص عدنة العجين استنسخ الكرصه
هسه اشبينة ليش وشختلف بالناس
اذا يلتفت ضيفك ينوكل نصه
اهلنه البيت واحد شو صفو ضدين
مله اتلوم مله وبالكلب غصه
اركض طاح اخوك بضهرة حط سجين
لا غيرك يذبحة اتفوتك الفرصه
طم هور الجبايش وانفي كردستان
وبكلب الرمادي خنجرك رصه
ولك مو عيب واحنه الي نشيل الراس
شلون اجفوفنه اتكض راسنه تكصة
اختلفنه احنا بعلي وبعمر وبعثمان
لو يدري محمد بينا ما وصه
المحتل اطلعه حط اديك اوياي
يا محتل طلع بالهوسه والخبصه
فدوه ارجوك تهدة والعن الشيطان
عسه من غيراك ابخته وبحضه
انه شردت منك غير ننسه الراح
وطرفك عالزعل بيناتنه اتغضه
انفطمنه على البنادق وانت تعرف زين
الشعيره بلا نفع لو زعلت الفرضه
انه وياك سيف ونذبح الجلاد
واذا تعجز ادينه بلوزته انعضه
العباس جدنه الماحتاج جفوف
ضل حد السنون الازم القبضه
جا شنهي عليمن ليش مختلفين
انا شنهو القبلته وانت الترفضه
يجوز الما اكضه الخلل بالجفين
اليعبر عليه اجفوفك اتكضه
انا غركان يمك ها يخو عثمان
البجسر الائمه ما صفن لحضه
شاف الايد وحده وناس ضكهة الماي
وعلى كد الجفوف الصاحته اتشضه
انا دجلة الخير المانست عطشان
واخوي انت الفرات وترضه ما ترضه
اختلفنه باولياء الله وضعنه
واحنا الساس للدنيا وضعنه
وربك ما نغير من وضعنه
شرط الا تحط ايدك باديه
